十三少 (已結業)

乐富多左好多唔同嘅新餐厅，突然 发现有酸菜鱼！！十三少 静静地咁突然乐富开分店，由乐富地铁站B出口 上商场1楼，几分钟路程only。 但记得一定要B出口出，如果唔系真系要又越过高山又越过谷先会去到。十三少用marker 画喺过胶menu上点餐，好环保👍🏻。 酸菜鱼有分 辣 / 唔辣，仲有劲量版。 ———————————开餐：十三少酸菜鱼🐟 ： 汤好好味，酸菜加新鲜鱼嘅鲜味，一啲都无过咸，鲈鱼片无骨而且非常之嫩滑，酸菜咸酸咸酸，好开胃， 一定要配白饭，捞汤真系可以食几碗。———————————川式口水鸡🐔 ： 好多芝麻非常香，辣汁 多左D芝麻嘅香味味，鸡肉嫩滑唔老，沾上香且微辣酸汁食真系一旧接一旧。———————————麻辣香锅🐸 ： 锅底 有分 十三少麻辣香锅 同 回味酱香锅 （唔辣）， 配菜有肉有素想食乜就点乜， 今日点左 十三少麻辣香锅+鸡软骨+田鸡+花菜+莲藕片+卤水大肠，加埋干辣椒花椒炒埋一大盆，肉类经过走油好香口，沾上重味香锅香料实在太好味，蔬菜爽口辣中带蔬菜甜味，好搭。———————————本来叫左红糖糍粑，可惜漏单，唯有过2日再黎过啦。