誠記小籠包拉麵 (已搬遷) 新店位置

侍应态度几好，不过落单唔用纸抄低之后又要番过黎问多次再覆单，然后佢竟然落错左台号，野食每次都先去错隔离台再传番黎我台，足足4次，其实落错台号唔紧要系沟通得好d就唔会咁尴尬。 简单讲重点，我系为左个酸辣汤而写呢篇野既，个酸辣汤真系好重胡椒粉味，听到隔离台食第1啖既反应同我一样， 我开头真系以为只系我果碗系咁，原来隔离都系，有d 失望。另外一碟酸菜鱼都系好重胡椒粉味只系未至于酸辣汤咁劲，酸辣汤系成碗都系胡椒粉味。小笼包皮真系太厚喇汁又唔多，食两粒好滞口，如果呢个厚度去整生煎包就差唔多，其实超市急冻小笼包都比佢薄皮，而且食落唔够汤，味道都出唔到。 唯一醉鸡系好食，好滑味道刚好，呢个系要一赞。酸辣汤，小笼包都可算系上海食店既标志食品，希望真系要做好d整体价钱算合理，抱著想支持小店既心态入去，但食物品质要有一定改善。经营小店不易，香港人加油。