荔園茶餐廳 (已結業)

有日睇电视见到有餐厅有整糯米鸡，好似好正，于是好钟意食呢啲手工菜嘅我就择日带埋朋友起行。童年时外婆酿糯米鸡：本身以为会系好细只嘅BB鸡，黎到之后比我想像中更大只，仲有个好靓嘅沙律配黑醋伴碟。一切开糯米香扑鼻，鸡肉食落几嫩口，由其鸡脾，而鸡皮亦几脆。重点嘅糯米亦十分香同足料，有冬菇、虾米等等嘅野，比起细个好钟意食嘅糯米鸡翼个味道更充实。烧纽西兰厚切西冷牛排伴红酒汁：朋友叫，我食左旧薯角，都炸得几脆，个牛排都还好，有小小熟过龙，而个红酒汁都几好味。整体黎讲今次荔园行我十分满意，主要目标嘅酿糯米烤鸡令我十分满足，短期内定会再黎。