影片
更多
2023-11-11
2831 浏览
唔系第一次嚟，虽然性价比麻麻，但食物味道唔差。朋友想睇band show，所以索性坐低一齐食。我到咗先，叫咗杯mocktail打算饮住先。可能佢倒汗水太劲，好湿，唔小心撞咗张枱一下，杯嘢饮就跣到倒泻晒，个杯仲烂埋，成件事系杯嘢饮落枱两分钟内。我一啖都冇饮过杯嘢。果下我都呆咗，要东张西望咗一下先叫到staff嚟帮手。佢哋主要系拖咗一下地同执咗玻璃碎，枱都冇抹干净同清理；系好多空枱嘅情况下亦冇安排换枱。果下都疑惑佢会唔会再安排过一杯，毕竟mocktail酒都冇滴，成本高极有个谱。直到朋友嚟，大概都十几分钟，可能见佢哋staff行嚟行去踩到附近湿，先再嚟拖多两下地同放个小心地滑牌。我哋后期加叫咗嘢食同杯嘢饮，我哋再问会唔会补返杯嘢饮，staff嘅应对就令我哋觉得好唔舒服。我哋明畀系人情唔畀系道理，佢哋如果话杯嘢落枱就唔负责都好啲，但讲到杯嘢落枱后果两分钟唔知发生过咩就好碍耳。成个观感真系即刻好差，不过我哋费事嘈，连叫经理出嚟问都冇，只系本身想再叫main同嘢饮，都即刻唔再落单，同冇下次。唔系好明佢哋floor management点解会系咁，完全冇打算为名声著想咁，宁愿因小失大咁，同佢哋营造
我到咗先，叫咗杯mocktail打算饮住先。可能佢倒汗水太劲，好湿，唔小心撞咗张枱一下，杯嘢饮就跣到倒泻晒，个杯仲烂埋，成件事系杯嘢饮落枱两分钟内。我一啖都冇饮过杯嘢。果下我都呆咗，要东张西望咗一下先叫到staff嚟帮手。
佢哋主要系拖咗一下地同执咗玻璃碎，枱都冇抹干净同清理；系好多空枱嘅情况下亦冇安排换枱。
果下都疑惑佢会唔会再安排过一杯，毕竟mocktail酒都冇滴，成本高极有个谱。直到朋友嚟，大概都十几分钟，可能见佢哋staff行嚟行去踩到附近湿，先再嚟拖多两下地同放个小心地滑牌。
我哋后期加叫咗嘢食同杯嘢饮，我哋再问会唔会补返杯嘢饮，staff嘅应对就令我哋觉得好唔舒服。我哋明畀系人情唔畀系道理，佢哋如果话杯嘢落枱就唔负责都好啲，但讲到杯嘢落枱后果两分钟唔知发生过咩就好碍耳。成个观感真系即刻好差，不过我哋费事嘈，连叫经理出嚟问都冇，只系本身想再叫main同嘢饮，都即刻唔再落单，同冇下次。
唔系好明佢哋floor management点解会系咁，完全冇打算为名声著想咁，宁愿因小失大咁，同佢哋营造出嚟嘅class一啲都唔match。
如果讲嘢食，薯条正常，脆炸鸡块系腐乳汁，都唔错（炸鸡都难啲整得难食）；三文鱼籽,蟹肉,牛油果他他就成价比极低。
张贴
