影片
更多
2017-01-18
7444 浏览
好耐之前食咗餐唔系好掂嘅lunch buffet，因为真系唔太好，所以我记到而家都一定要打返篇食评同大家介绍一下。铺头位于朗豪坊，装修都几靓，而且价钱都几reasonable，同朋友经过见到，又想食多啲唔同嘅嘢㖞，就走左入去啦。入到去发现佢所有嘢食就原来已经摆晒喺门口见到嘅位𠮶度，虽然话系自助餐，但系选择非常少，枱面都有好多系空咗嘅，而且位置唔多，就算佢夜晚攞晒啲嘢食出嚟，我都唔会觉得好多选择。嘢食方面以海鲜，炸物，甜品为主，都有三四五款拣。啲蚬非常多沙，我食完一碟之后都无再拎啦，几乎唔会咬一口都系沙，因为啲蚬比较细只嘅关系，要浸好耐先至可以去晒啲沙，餐厅冇时间去处理我都理解嘅，但系啲沙真系好影响个质感，我亦都食唔出啲蚬系新鲜嘅。比较好啲嘅系翡翠螺，唔算话系好大只，不过都几有口感，虽然里面都有沙，但系就会比蚬𠮶啲少好多，接受到嘅，而且食落都算新鲜，虽然唔算太鲜甜，但系配得上自助餐质素。炸物方面其实唔系好多选择，都系春卷虾饼，比我感觉系炸得比较油，食落去油益感好重，食完两件已经唔想再食啦。甜品算系最多元化，都有好几款可以拣下，但系食落去比较上就太甜，朱古力泡芙泡芙放到淋晒，咬落去直头咬唔
铺头位于朗豪坊，装修都几靓，而且价钱都几reasonable，同朋友经过见到，又想食多啲唔同嘅嘢㖞，就走左入去啦。
入到去发现佢所有嘢食就原来已经摆晒喺门口见到嘅位𠮶度，虽然话系自助餐，但系选择非常少，枱面都有好多系空咗嘅，而且位置唔多，就算佢夜晚攞晒啲嘢食出嚟，我都唔会觉得好多选择。嘢食方面以海鲜，炸物，甜品为主，都有三四五款拣。
啲蚬非常多沙，我食完一碟之后都无再拎啦，几乎唔会咬一口都系沙，因为啲蚬比较细只嘅关系，要浸好耐先至可以去晒啲沙，餐厅冇时间去处理我都理解嘅，但系啲沙真系好影响个质感，我亦都食唔出啲蚬系新鲜嘅。
比较好啲嘅系翡翠螺，唔算话系好大只，不过都几有口感，虽然里面都有沙，但系就会比蚬𠮶啲少好多，接受到嘅，而且食落都算新鲜，虽然唔算太鲜甜，但系配得上自助餐质素。炸物方面其实唔系好多选择，都系春卷虾饼，比我感觉系炸得比较油，食落去油益感好重，食完两件已经唔想再食啦。
甜品算系最多元化，都有好几款可以拣下，但系食落去比较上就太甜，朱古力泡芙泡芙放到淋晒，咬落去直头咬唔断咁滞，啲cake用咗比较多cream ,饼底唔算好实净，都系以甜同埋肥腻感为主，我最后都系返食咗个啫喱姐，正常啫喱粉开嘅质素。虽然＄108唔算好贵，但系想揾旧肉食下都冇，枱面空空，成个感觉就好似俾佢门口呃左入嚟咁样（佢甜品放咗喺门口） ，咁嘅价钱我补多少少钱应该可以去食午市烧肉放题啰。
张贴
