影片
更多
2021-07-13
1157 浏览
在德福广场揾地方食早餐，见到一早九点几敏华已经有好多人排队，谂住应该都唔错，就去排埋一份。排队喺面包柜隔离，啲面包确实系好吸引，每一个都胀卜卜，新鲜热辣咁样。主要系鸡尾包同埋菠萝包，可能时间尚早，未见到有其他面包。入到去餐厅，左手边餐牌全部都系早餐，有成十几样，睇真啲其实都系果几样。主要就系火腿通粉/沙嗲牛肉面/五香肉丁，配搭双蛋/双肠/火腿。三款面三款配菜夹埋就已经9行🤣。另外有火腿蛋多士，双蛋多士。比起一般茶餐厅少选择，猪扒牛扒鸡翼红肠午餐肉炸鱼……通通都冇！基本上8成嘅人都系食沙嗲牛肉，另外两成就系火腿通粉餐或者散叫西多菠萝油。沙嗲牛肉面配肠仔，多士多烘（即系㶶啲）我钟意佢配安佳牛油，多士真系软熟，外脆内软，连个面包皮都唔硬。肠仔就系一般厨师牌鸡肉肠。沙嗲牛肉面就其实系朋友嘅，我𠮶碗系沙嗲牛肉米。米粉好好味，牛肉都算足够，只系比较咸。虽然呢间餐厅选择比较少，但食物质素几唔错。杯咖啡系即磨咖啡，几香，不过好细杯。$40 嚟讲都可以收货。讲吓餐厅环境先，都坐得几迫，本来比张四人枱，但系唔可以坐对面，唔识嘅四个人系每pair 坐一边，大家都望住块胶板，张枱又好细，感觉好局促，谂住起身走
排队喺面包柜隔离，啲面包确实系好吸引，每一个都胀卜卜，新鲜热辣咁样。主要系鸡尾包同埋菠萝包，可能时间尚早，未见到有其他面包。
入到去餐厅，左手边餐牌全部都系早餐，有成十几样，睇真啲其实都系果几样。
主要就系火腿通粉/沙嗲牛肉面/五香肉丁，配搭双蛋/双肠/火腿。三款面三款配菜夹埋就已经9行🤣。另外有火腿蛋多士，双蛋多士。
比起一般茶餐厅少选择，猪扒牛扒鸡翼红肠午餐肉炸鱼……通通都冇！
基本上8成嘅人都系食沙嗲牛肉，另外两成就系火腿通粉餐或者散叫西多菠萝油。
沙嗲牛肉面配肠仔，多士多烘（即系㶶啲）
我钟意佢配安佳牛油，多士真系软熟，外脆内软，连个面包皮都唔硬。
肠仔就系一般厨师牌鸡肉肠。
沙嗲牛肉面就其实系朋友嘅，我𠮶碗系沙嗲牛肉米。
米粉好好味，牛肉都算足够，只系比较咸。
虽然呢间餐厅选择比较少，但食物质素几唔错。杯咖啡系即磨咖啡，几香，不过好细杯。
$40 嚟讲都可以收货。
讲吓餐厅环境先，都坐得几迫，本来比张四人枱，但系唔可以坐对面，唔识嘅四个人系每pair 坐一边，大家都望住块胶板，张枱又好细，感觉好局促，谂住起身走，啱啱隔离枱埋单，咁阿姐就换咗张可以对望嘅枱比我。虽然都系同陌生人搭枱，起码可以同朋友对住倾到计。
总结：D阿姐做嘢快手，食物够热。
张贴
