L.D.K. by Ufufu Café (世貿中心) (已結業)

今晚同女友人聚餐，专登拣左呢间好适合女仔聚会既餐厅。我地叫左好多野食，主菜叫左海鲜番茄乌冬同吉列豚肉佐咖哩蛋包饭，两个都加左$28跟餐，跟餐要沙律同迷你芭菲。另外再叫左手制饺子鸡翼同草莓法式吐司。吉列豚肉既外skin炸到好脆，食落脆卜卜，鸡蛋够滑，配日式咖哩汁好食。乌冬都好滑，海鲜有虾，青口，鱿鱼，蚬，好多料。鸡翼有明太子同芝士味各一只，都唔错。到甜品环节，有迷你芒果芭菲，香蕉朱古力芭菲，口感丰富又好食。但最好食都系草莓法式吐司，外脆内软，有蛋香，入面好软身又暖暖地，配有草莓雪糕，卖相十分吸引。朋友对呢餐都赞不绝口。