帝樂德國餐廳 (Fashion Walk) (已結業)

呢間德國餐廳係香港都算出名，之前去過其他分店食自助餐，已經被吸引。今次適逢啤酒節，我同朋友決定黎chill下。餐廳裝潢明亮舒適，仲有戶外座位，好岩聚會。我地揀左german signature的脆皮燒豬肘配酸椰菜及炸薯角✨️Set for 2 已經包左沙律，包同湯。粟米忌廉湯真材實料，夠柔滑。餐包鬆軟，面頭仲有香草碎同芝士👍。✨️柚子,橙,西柚,藜麥雜菜沙律夠清新，沙律爽脆。✨️主菜揀咗招牌菜，豬肘超大，夠晒2個人食，店員俾我地打完卡後，再幫手切開，方便食用。金黃色的外皮卜卜脆，肉質幼滑，不會太乾身，旁邊的酸菜帶微酸，同豬手好夾。💗今次我仲買左啤酒通行證，唸住遲下同朋友慢慢飲。250可以歎5杯啤酒，之後每次仲有50折扣。有5款啤酒揀，6間分店可以用，都幾抵。