美食工房 (金豐) (已結業)

今日下午五点几入去食TEA，本身想坐楼上，但佢话楼上系食晚餐的，所以要我地坐楼下，ｏｋ　ｆｉｎｅ（虽然果间野当时一个客都无），２个人叫左一个炒饭同埋一碗粉。落单落错晒，叫柠茶就想俾奶茶（要重覆几次先落倒单），叫河粉就俾拉面（唉费事再换黎换去啦）。个饭系落好ｃｈｅａｐ既假蟹子－即虾子，味道仲差过阿妈牌，只碟劲热，摆明系用ｍｉｃｒｏｗａｖｅ翻丁的，但下午茶已要成４０蚊了。个面就一般货色啦，要求唔高。杯柠茶先令人火滚，个杯已细了，仲要只得半满，真系一啖就饮完了，哗，好在只系食下午茶即，如果晚餐要成百几蚊咪劲唔抵！千祈唔好去呀！我见佢餐牌上有田螺，本身我地都想试，但５２蚊只系得４只，贵过出面成倍呀，问佢佢餐牌上写蜗牛同出面既田螺有咩唔同，佢竟然话系一样的，认真「略」水。仲有，我都同意楼下既人讲，ｄ座位系劲唔好坐的。