ESTRO

营业中

休息中

生日饭，特登拣咗米芝莲，3个礼拜之前已经book咗枱，期间冇收到任何通知话要俾订留位，直至到订枱前四日，突然之间喺夜晚收到个讯息，我张枱已经被取消。WhatsApp话我12点个booking已经被取消，但系我个Booking其实系13:30 。Send WhatsApp询问之下先知餐厅喺2pm send咗个email嚟叫我俾钱。 我问客服点解send咗email六个钟之后就取消我张枱，email明明话我有廿四小时去比订。客服顾左右而言他，但系并没有作出解释。 （1）餐厅搞错我book枱嘅时间 （2） 点解六个钟就取消我张枱。我唯有重新喺OpenRice 再订过同一个时间。 今次我入到佢哋嘅网页睇晒佢哋网页入边有咩规矩，发现book枱时间13:30， last order亦都系13:30。 咁我又问客服，两个时间撞埋一齐我点落order？ 客服居然话佢已经将我嘅订枱时间改到13:00。而期间并没有询问我13:00可唔可以或者我赶唔赶到。未食，啲服务就已经系咁样，令我感觉餐厅想点就点，其实餐厅只要同客人多啲沟通就好容易可以避免呢一种误会。难怪见到几个post都话啲服务态度差。