鐵板漁屋日本料理 (如心廣場二期) (已結業)

话说女朋友一路话想试呢间放题，咁啱同女朋友周年纪念，女朋友迟收工，我哋晚上9点左右入座，谂住试下佢啦，入去嘅时候明明张单写到明2300交枱，佢十点唔够个铁板已经洗好，系我隔离又扫地又收枱，沙尘滚滚，我未食完嫁。。。我问佢哋个铁板系唔系收，佢问返我差啲咩，我话差个铁板三文鱼炒饭，然后佢拎个镬出嚟炒俾我食，大佬我Order嘅系铁板炒饭，仲要唔知系咪我阻住个厨师收工，个饭又咸又㶶又难食十点三左右一个二个员工孭好晒袋望住我哋，好似我哋阻住你哋收工咁，咁你唔好放我哋入嚟食吖嘛！仲要问我女朋友，两位仲有冇嘢要？我个两条雪条明明系叫起，你地就直接掉低两条雪条，一句嘢都唔讲，俾晒面色我睇咁，我有俾钱嫁！埋单两个人七百几，虽然唔系话好贵，但系都唔算平唔算特价嘢啊，咁差嘅用餐体验我真系第一次，感觉仲差过啲百几蚊嘅任食火锅。