食雞

营业中

休息中

中秋佳节谂住同屋企人共渡，近近地楼下打边炉，等屋企两老唔洗行咁远，点知一肚气，唔知以为自助餐，加汤都要我地落手落脚，冷气又唔够，明明咁多部又开得一两部。 喂我知你点解生意唔好，但都唔洗咁悭皮呀？ 叫极个女侍应又唔应机，态度好傲慢（唔知系咪事头婆），另一个唔知系咪佢个仔，讲野又好扢雷捶，讲完一句就走左去，个呀妈一叫佢又扮睇唔到，可能觉得我地帮衬佢就系西客，好心搞到咁唔好收加一服务费。唔知以为去左70、80年代要比贴士先做野，想问少少野，都要受人面色，成餐饭本身系做节，为咗屋企两老都费事嘈，祝你地公司好生意啦 。$3xx食呢d咁嘅野，又无海鲜饮啤酒又要加钱，我不如行远少少出旺角咪仲多选择，牛又得一两款，无牛味之外丸类又无咩特别，连去雪柜拎啫喱，d啫喱都热到变水状，好心咁悭皮执左佢唔好献世，卖食物就一般般，卖环境咪够热又偏僻，卖服务我谂唔好有侍应会好d，全部自助都无咁激气，唔系玩电话就倾计，而呀事头婆麻烦缩番一二角睇片打机啦，如果唔系会得罪更多人，嬲得济求其食饱左就算，相信呢个位好快易手。衰到呢😂真经典。