影片
更多
2009-05-03
10 浏览
放工后同屋企人行海港城, 行到8点几, 求其揾间野坐低食饭, 其实每次去海港城既麻布茶房, 我都暗暗同自己讲唔会再去呢一间, 但次次都忘记咗....因为每一次去啲服务态度都无变, 就算侍应换哂人, 啲态度依旧!!果晚我地点咗馒鱼饭, 梅子渍饭, 卷蛋, 芝麻冻波菜, 烧茄子, 蕃薯天妇罗, 仲有2个甜品....实际点咗乜都唔系好记得, 因为无谂住打报告, 但食到最后, 都有啲忍唔住要投诉...其实麻布茶房既食物唔算太差, 每样我都接受到, 当然未去到好好味啦, 而价钱亦便宜, 唯独服务水准, 令人失望再失望, 我去过好几间分店, 服务态度都OK, 但只得海港城系咁差, 啲服务生全部爱理不理, 我果晚需要一只匙"斤"(唔识打), 问个女侍应, 佢应该听错咗要纸巾, 咁我都明2者发音相近, 攞错唔奇, 我又无发难, 点知反而系佢大大声好串咁话: 哦, 你要匙"斤", 唔系纸巾!! 跟住一路行仲一路讲(音量系大到比我地听到), 明显怪我发音问题, 我同家人都O咀...再之后, 我妈咪要食药, 要求一杯水, 有个侍应攞咗杯好热既水嚟, 我地咪问佢可唔可加少少冻水, 佢一脸觉得我地好烦咁样, 望
果晚我地点咗馒鱼饭, 梅子渍饭, 卷蛋, 芝麻冻波菜, 烧茄子, 蕃薯天妇罗, 仲有2个甜品....实际点咗乜都唔系好记得, 因为无谂住打报告, 但食到最后, 都有啲忍唔住要投诉...
其实麻布茶房既食物唔算太差, 每样我都接受到, 当然未去到好好味啦, 而价钱亦便宜, 唯独服务水准, 令人失望再失望, 我去过好几间分店, 服务态度都OK, 但只得海港城系咁差, 啲服务生全部爱理不理, 我果晚需要一只匙"斤"(唔识打), 问个女侍应, 佢应该听错咗要纸巾, 咁我都明2者发音相近, 攞错唔奇, 我又无发难, 点知反而系佢大大声好串咁话: 哦, 你要匙"斤", 唔系纸巾!! 跟住一路行仲一路讲(音量系大到比我地听到), 明显怪我发音问题, 我同家人都O咀...再之后, 我妈咪要食药, 要求一杯水, 有个侍应攞咗杯好热既水嚟, 我地咪问佢可唔可加少少冻水, 佢一脸觉得我地好烦咁样, 望住我地一阵先攞起水杯去加水; 另因佢地茶杯好细, 我地好快饮完茶, 有时会要求加水, 但每次想叫住佢地时, 佢地明明见到, 但会直行直过, 好离谱; 同埋佢地果个烧茄子好有问题(见图), 明显唔系烧, 系炸, 都算, 我地一夹, 啲油系咁滴, 咁我用筷子夹少啲油先食, 但夹极都有油!! 图中所见只系一半油, 最后我地放弃咗无食到, 咁我地都有同佢地讲好多油, 食唔到, 其实我地都无意思要换, 只系想比个意见佢, 但一般餐厅都会话换过碟, 佢地只系望住碟油, 讲咗声唔好意思就走开咗; 同埋个天妇罗食到甜品都无嚟, 我地巳经忘记咗, 系我地食到最尾果啖甜品(真系得返一啖), 佢地送咗个天妇罗上嚟, 个侍应都有啲尴尬, 知迟咗好多, 我讲咗句: 哗, 我地甜品都食埋啦....佢讲咗句唔好意思就走咗, 最后, 我地打包咗个天妇罗(始终我地有叫到而又无CANCEL), 但对于佢地啲服务, 真系觉得一次差过一次, 希望下次自己会记得唔好再嚟呢间麻布茶房食野!!
张贴
