影片
更多
2009-05-31
11 浏览
一班朋友倾完野后,谂住去医肚,有个朋友就建议去"胜利小厨 "食小菜,佢话d小菜都ok既,咁咪去啰,之前去过食海南鸡饭架喇,喺我印象中,果度d位好迫,又多人,食完就要即走,不过,竟然朋友建议到,咁咪再去吓啰!我地一行8人去到时因为无大桌,所以大家都等左几个字,我地入到去,开始点𩠌,但系好多野都无啰,唔知系好生意吖,定系佢地唔系强顶系做小菜呢?鸭无;鸟头又无;桂花鱼都无;小白菜又无.....唉!!!! 最终都可以点到其他𩠌~~~海南鸡- 总共叫左只半,唔系话好食,而系只鸡好细,大家夹左两至三件就无哂,其他𩠌又细酵㖞~~~~豆腐斑腩煲- 一般.....小棠菜锅贴- 几好食,好似虾饼咁猪比- 都几好竹笙虾仁炒蛋白- 完全唔掂,一d味都无,蛋白又唔滑,又无竹笙,放d蟹子喺面...超鬼炒大蚬- d蚬真系好大只,但唔系好鲜味西兰花炒鲜鱿-一开始就叫,我地食哂所有野都未黎,叫左呀姐去追一追,呀姐就话做紧架喇,你唔见我地头先好多人咩?一下子边出到咁𩠌呀? 咁既服务态度点得架!? 我地都忍佢,但过多2个字都仲未黎,好唔对路,我地再追一次,又系果个四眼呀姐,佢帮我地问厨房,厨房话无单,再睇吓我地张单,又
我地一行8人去到时因为无大桌,所以大家都等左几个字,我地入到去,开始点𩠌,但系好多野都无啰,唔知系好生意吖,定系佢地唔系强顶系做小菜呢?
鸭无;鸟头又无;桂花鱼都无;小白菜又无.....唉!!!! 最终都可以点到其他𩠌~~~
海南鸡- 总共叫左只半,唔系话好食,而系只鸡好细,大家夹左两至三件就无哂,其他𩠌又细酵㖞~~~~
豆腐斑腩煲- 一般.....
小棠菜锅贴- 几好食,好似虾饼咁
猪比- 都几好
竹笙虾仁炒蛋白- 完全唔掂,一d味都无,蛋白又唔滑,又无竹笙,放d蟹子喺面...超鬼
炒大蚬- d蚬真系好大只,但唔系好鲜味
西兰花炒鲜鱿-一开始就叫,我地食哂所有野都未黎,叫左呀姐去追一追,呀姐就话做紧架喇,你唔见我地头先好多人咩?一下子边出到咁𩠌呀? 咁既服务态度点得架!? 我地都忍佢,但过多2个字都仲未黎,好唔对路,我地再追一次,又系果个四眼呀姐,佢帮我地问厨房,厨房话无单,再睇吓我地张单,又有落单㖞~~呀姐都o左嘴,唯有同我地讲依家即刻帮你地再落过单啦~~我个fd忍唔住串左佢一句,一早叫你追,你又唔理,依家等多几个字先至话无落单~ 个呀姐仲喺度话,咁我地多人客吖嘛,边做得切呀!!! 个四眼呀姐真系好野,咁既服务~~~真系要叫佢睇吓刘德华个广告先啦!!!!
总括黎讲,佢地d服务公认系差,我食饭期间都见其他待应生对客都系唔好既态度,我都唔明点解仲会有咁多人去食..去受气.....佢地d海南鸡质素周围都食到啦!价钱又唔系好平,同出面果d差唔多啫,超码去第2度食唔驶咁受气吖~~~~
张贴