北海道爐端燒 (已結業)

见呢到讲到好好食又抵食，决定黎试下，因为冇book位，侍应叫我地留电话，8:10前有位会call我地，最后8:00入左去食。落左天妇罗盛盒、炒面、豚肉炒野菜、带子尤鱼烧，20分钟后都未有食物，我地再落左2串串烧。落左唔够3分钟个串烧已经黎，我地问侍应之前既野食有冇落单，因为一样野食都未到。侍应回应有落单，因为串烧比较快煮好。但炸野又要炸30分钟以上？？再等多10分钟，终于有野食，但天妇罗盛盒重未黎，50分钟都炸唔起一碟天妇罗，再问侍应追一追，佢答我们唔系佢落单。。。咁系咪一定要揾返落单个个？？我地话等左一个钟都未有，佢地都冇答过一句唔好意思。。。埋单$400。唔会再食，亦唔觉抵食！