Pici

营业中

休息中

今晚出开嚟湾仔，行到去星街𠮶边，揾到呢一间意大利餐厅，个感觉都几良好。价钱唔可以讲大众化，不过唔算贵嘅意大利餐厅。入到去，楼下剩返啲high tables, 咁就行咗上楼上𠮶度坐。可能因为早，我哋入到去唔算多人。环境感觉好外国. 我哋嗌左唔多嘢食，嗌咗一个cold cut, meatballs 同 牛面珠意粉。肉丸个面唔单止已经有芝士，原来喺肉丸里面都混入左唔少嘅芝士，我唔知道算唔算正宗，不过就比起其他餐厅食嘅meatballs应该比较正宗一啲！ 个意粉个牛面珠灯真系好滑好淋，而且再加上个意粉好弹牙，我直头唔记得咗影相🤣其实坐到咁上下，已经全部坐满晒。所以我估如果平日冇订枱，应该都唔系咁易有位坐或者要排队。离开嘅时候已经有一条小人龙排队等入座。