影片
更多
2018-07-05
746 浏览
我想试左清真牛肉馆超耐，但奈何去亲九龙城都系食泰菜，终于有机会一试啦食之前其实都好纠结，因为睇食评对佢既评价好坏掺半，所以都唔敢抱太大期望。但始终想试左咁耐，抱住试伏心态，都要一试究竟！羊肉饼同咖喱羊腩饭系清真牛肉馆既必叫菜式吧？！牛肉饼果然名不虚传皮薄馅料足牛肉饼煎得唔油，饼皮好干爽小心咁咬一小啖，皮整得好薄，好易咬得开，但依然可以感受到饼皮略带烟韧既口感牛肉馅料好多，好厚身，食落牛肉虽然牛味唔太出，但肉质尚算鲜嫩、唔会过老变得鞋口；馅料入面仲加左葱，增加香气。咬左一啖，汤汁开始倾倒而出，汤汁加牛肉馅同饼皮一齐食，成件事好夹，好正改善：汤汁虽多，但调味略重手，食到最尾会觉得咸；汤汁都有一层油浮面，若果调味方面减咸、减少油份会令成件事更清新！上台果阵牛肉饼系唔热既，应该系整好放左系到，有客人落order就即出。如果可以即叫即整，会更好味！好好味既咖喱羊腩饭呀！份量方面，羊腩份量比我想像中少，真实既食物同影出黎系唔同嫁！相中既羊腩份量好似好多咁，但其实系一个细碗仔装住先有种满出黎既错觉。羊腩总共有七、八件左右，每件系一啖既大细。但饭既份量一啲都唔少，足足有两大碗饭！味道方面，羊腩煮得入味
食之前其实都好纠结，因为睇食评对佢既评价好坏掺半，所以都唔敢抱太大期望。
但始终想试左咁耐，抱住试伏心态，都要一试究竟！
11 浏览
0 赞好
0 留言
牛肉饼
$38
38 浏览
0 赞好
0 留言
牛肉饼果然名不虚传皮薄馅料足
牛肉饼煎得唔油，饼皮好干爽
小心咁咬一小啖，皮整得好薄，好易咬得开，但依然可以感受到饼皮略带烟韧既口感
牛肉馅料好多，好厚身，食落牛肉虽然牛味唔太出，但肉质尚算鲜嫩、唔会过老变得鞋口；
馅料入面仲加左葱，增加香气。
咬左一啖，汤汁开始倾倒而出，汤汁加牛肉馅同饼皮一齐食，成件事好夹，好正
改善：
汤汁虽多，但调味略重手，食到最尾会觉得咸；汤汁都有一层油浮面，若果调味方面减咸、减少油份会令成件事更清新！
上台果阵牛肉饼系唔热既，应该系整好放左系到，有客人落order就即出。如果可以即叫即整，会更好味！
咖喱羊腩饭
$54
34 浏览
1 赞好
0 留言
好好味既咖喱羊腩饭呀！
份量方面，羊腩份量比我想像中少，真实既食物同影出黎系唔同嫁！
相中既羊腩份量好似好多咁，但其实系一个细碗仔装住先有种满出黎既错觉。
羊腩总共有七、八件左右，每件系一啖既大细。
但饭既份量一啲都唔少，足足有两大碗饭！
味道方面，羊腩煮得入味，烹调时间足够，每件肉质都十分软淋、一啲都唔韧
羊腩带有少少羊骚味，系正常可接受既程度，令羊腩更惹味
羊腩属于偏瘦带少少脂肪既部位，平时唔食脂肪既我都唔会太抗拒，因为羊腩煮得够淋，有脂肪既部份可以轻易咬走，所以不成问题，咬走左啲脂肪依然可以啖啖肉
咖喱方面，咖喱面头有一层油，系可接受既程度；咖喱质地少稠身，系稠同稀既中间。
咖喱味道带辣，哩种辣唔带后劲、唔会呛喉，系令到咖喱更惹味既正常辣味。
唔食得辣既我觉得未有中辣既程度，比平时食既水煮鱼果啲仲淡既辣。
不过就系辣味令咖喱提升左一个层次，咖喱捞饭虽然十分肥十分邪恶，但佢既惹味会令我一啖接一啖、好快咁清左碟饭！
哩个饭真系够晒麻甩、够晒肥，但好好食！好快就用咖喱汁清左碟饭，大食既食肉兽表示唔够喉呀
咖喱羊腩饭 推荐！必试呀
高力豆沙
$28
27 浏览
0 赞好
0 留言
最后，以高力豆沙哩个甜品作结。
高力豆沙即叫即炸，炸得干身、唔油腻。
虽然面头有大量幼砂糖，但食落唔会过甜。
16 浏览
0 赞好
0 留言
豆沙馅系自家制，豆沙蓉调味亦唔会过甜，豆沙带有清甜既香气，
豆沙馅份量唔少，占左一半，将豆沙馅加蛋白一齐食，甜度啱啱好
食落带微热，蛋白未至于超嫩滑，但幸好唔会老，咬开仲冒少少烟。
用哩道「清新」(唔太甜)既甜品作为哩餐饭既结尾，好幸福
本身唔抱太大期望，好彩叫既每样食物都有可圈可点既地方，食物亦有质素。
当然，每样食物都存在可以改善既地方，但味道都系我期望之上，收货啦！
一定会encore，试埋其他野
张贴
