丼家 (已結業)

想试丼家好耐，但平时又唔会成日路过，路过时又成日见到要等位，作为一个唔钟意等位既食客，终于有晚晏少少路过兼唔洗等位直入了。最近有啲鱼生虫新闻，搞到都冇咁想食鱼生饭类，不过丼家啲鱼生饭睇相系几吸引既都。最后拍板嗌左蟹皇饭定食（$128，定食+$18）定食跟面豉汤、沙律同小食。个面豉汤见住店员直接冲热水落碗仔度，心谂就算系12蚊店货仔都伏极有限呀，点知真系几伏，非常淡口。沙律菜都几新鲜，小食呢啲买番黎既野都表现正常。重头戏蟹皇饭真系不得了，腥到食左几啖就冇食了。连蟹子最角落果部分都腥到唔想食⋯咁既价钱以为都会正正常常呀⋯非常失望！当然亦唔排除系我地唔好彩既⋯滑蛋鳗鱼饭不过不失啦⋯都有四小件鳗鱼既。虽然滑蛋饭正路都湿，但佢啲饭自己本身都湿到乸埋一旧咁了⋯不过不失只系相对蟹皇饭既评价⋯火灸左口鱼寿司（$18）/ 火灸三文鱼腩寿司（$14）惊虫既我地唯有食下火灸寿司希望减低虫量啦两件都好味，三文鱼腩好油好正呀成餐最正都系呢个烧牛舌（$58），厚舌得黎烧得几嫩口，再黎既话都会想再食另外仲嗌左南瓜蕃薯天妇罗（$48），都唔错既都可能会再帮衬，见隔离枱啲寿司个样睇落都唔错，但就一定唔会再嗌蟹皇饭啰 ，