La Bons Brasserie (已搬遷) 新店位置

硬身餐饱：一直好欣赏呢度既餐饱，又有麦味香喷喷、且又外脆内软；但呢餐不再，有d可惜。西兰花浓汤：有dd失望，个汤唔系好差，但确系比以前做得无甘好，总之我食唔到佢系浓汤…日本鎗鱼柳配柠檬酸汁饭：鎗鱼柳肉质够滑、但唔够爽口，好欣赏个汁！其实个汁 / 制法系有名堂，但我忙记左…酸汁系由柠檬汁、soul cream同香草制成，口味清新，同鱼好夹！如果加d柠檬皮，令个柠檬味更出会仲正！！三文鱼、德国肠茄汁意粉：意粉较硬、茄汁系较外国口味既制法，偏酸同带唔出茄香。无特别。心太软：坦白讲，我未食到个令我满意既心太软。我同朋友好好彩，每次食既都系软心，漏晒朱古力酱既心太软，但呢度既同我出面食既心太软一样，朱古力都系有阵㶶㶶地既味！当然唔系真系焗㶶左，而系个不知名因素，令个朱古力酱有㶶味！总括而言：搬新铺后，食物水准稍为下降。但服务持续良好！ 幸好每次惊喜比失望多！