小南國 (已結業)

谂住帮2位好朋友搞番个1月份生日会，见屯门市中心开左间小南国，就过年之前预早book定位，准备过年后黎试下喇~当日book左7点钟，但我地早左，6点8、9个字就到左喇，咁佢都预备左枱俾我地入^^6点几，出面都已经好多人喇... 可能系新开啦... 不过都发觉而家屯门市中心多左好多自由行旅客...一坐低，个待应居然... 同我地讲普通话?!再举头一望，发现有7-8成都系自由行客人...唉... anyway，餐厅环境都唔错，可能新装修啦﹗都坐得几阔落，为左等齐人，我地坐低左成半个钟先叫嘢，d人都无摧我地...我地一行6人，叫左个4人餐再加d𩠌咁啦~糖醋排骨ok，但个菜卷d味就好怪...佢跟餐有4只，咁我地6个人就另外叫多笼啦... 点知另外叫嘅系得3只个砂锅云吞鸡都几清几好味~唔知咩黄鱼，好好味 ^^清炒河虾仁... 好爽口... 咁细只唔知会唔会剥壳剥到想喊呢??炒菜心，一般ok啦~老妈红烧肉，系茶树菇焖五花腩，好肥但好味~醉鸡系另外叫嘅，都几好仲有雪耳雪梨糖水!! 都真系坚饱﹗因为系庆祝生日，所以我地都买左蛋糕黎~ 加左$50切饼费总括黎讲都几好啦~ 不过一定要记得book定位...