Cow Bean (康怡廣場) (已結業)

今天带著小朋友帮衬「康怡店」，等咗一阵先有人得闲过嚟落单，好快食物就送上，个女侍应第一次过嚟想收嘢时问有冇咩可以帮我哋收，当时大人小朋友都未食晒，我话冇啊！小朋友食得比较慢，第二次过嚟收大人餐盘时，好似专登撞到我，我哗咗一声，女侍应冇反应，佢继续收嘢嘅时候我就同佢讲你撞到我㖞，佢先至讲唔好意思。埋单时男经理带好有礼貌语气咁讲啲无谓嘢，之后话你哋早嚟有位入，你哋睇吓而家好多人喺出面等，下次再嚟探我哋喇！摆明串我哋，睇返张单入单时间系17:41，埋单时间系18:32，都唔算食咗好耐霸主张枱啫！赶客！以后唔会再帮衬！啲嘢食算好味但食完好口渴，应该系好重味精。