R&B (已結業)

睇到篇報道介紹，好似好吸引所以嚟試吓。叫食物嘅時候，叫第一樣野服務員就已經話冇，然後佢攞張紙出嚟讀出7-8樣當日冇嘅食物。咁多樣嘢冇都算，但係我哋再揀嘅食物裏面，有兩樣又係冇………..叫咗fish & chips 同龍蝦汁蟹肉意粉。 個意粉好睇唔好食，應該叫蝦意粉多過蟹肉意粉，個汁嘅味怪怪的，冇食哂。 個炸魚用刀切落去都覺得韌，舊魚直程乾到見到一絲絲，跟本趙唔到，同服務員講要求換，佢話係最後一舊，即係當日又多一樣嘢係冇嘅 🙃 睇完餐牌之後，我哋都唔敢再挑戰，所以唔好再嗌其他食物。食完嘢諗住叫杯咖啡，點知佢話個咖啡機壞咗😒好失望，一定唔會再嚟。