點點心 (已搬遷) 新店位置

今日过去揾个朋友，要同佢请教工作上嘅问题，咁就顺便系佢附近食埋晚饭，佢话想去食点心，咁我地就嚟到附近嘅点点心专门店，呢间店品种都算多，但唔系每一样都咁好食，比较有特色嘅点心仲系几唔错嘅，今日等时间短左，15分钟就有空台喇。猪仔流沙包，个造型系咪好得意呢?唔好以为佢净系得个样，内在都好好食架，馅又做得唔甜，一个人食两个都唔觉得腻，而且包身做得好松软。蘑菇包造型都同样咁可爱，不过我觉得就无猪仔包咁好食，带小朋友嚟嘅话，点呢两个一定好钟意。蟹籽烧卖，卖相一般，味道都一般，蟹籽分量感觉有D少，虾唔够新鲜。虾饺味道几好食，虾饺嘅虾又好新鲜，不过就系皮比较厚，烧汁茄子，其实就系酿茄撤，肉馅仲系比较有味道，但茄瓜无吸收到酱汁嘅味道，感觉有D失色，不过就比较特别。