Limehouse (已結業)

睇杂志见到好似好靓咁，就同朋友黎食。第二样唔讲，真系去到门口都已经哗一声，去咁多餐厅都无见过咁骨子既味道，好鬼有外国风情，加埋入面班鬼佬客，气氛一流。坐低叫完野饮就睇餐牌，又哗一声，真系简而精，头盘主菜甜加埋都唔够十样，好彩都拣到野，唔系就真系黎饮野咁。叫左份炸鱼薯条同批，似唔似英国呢﹖其实我觉得唔似，不过唔紧要，系好食果种唔似，某程度上绝对好食过系英国求其入一间餐厅既味道，起码条鱼真系新鲜鱼，浆够薄，鱼够嫩，个批既馅都好好，够香。食物环境都好，就系服务要努力少少，全场得一位男士走黎走去，虽然佢好落力，不过爆起上黎都真系坐一排都无人理。