德家日式燒肉店 (已結業)

同女友黎食唔洗等位就入得，几好我地叫左298𠮶款任烧，食物都叫ok，包𠮶份牛肉系唔错，不过自己点既菜，有啲会漏左，可能人手唔够啦，可能送错位啦，唔算严重既，十样会小1-2样，可以再点过姐，不过黎到啲食物就好似差啲啲，冇包𠮶碟咁好啦。最正系个汤同埋有锡纸盘。汤味浓，而且除咗可以就咁饮外，亦可以倒落锡纸盘度做左火㶽仔（每次放小小好啦睇唔到啲汤会滚到起泡），亦可以叫碗海鲜粥黎煲，煲完啲野食，饮/食埋个汤/粥，味道香甜👍👍亦可能人手劲唔够既关系，临尾叫雪糕都几耐，我举起雪糕纸举左十至十五分钟，仲有叫到，都冇人黎。叫另一边火锅既侍应，佢又叫我叫烧𠮶边职员，但个侍应走到老连咁远。叫到隔离枱都起身走，都仲系见唔到我地。要埋单𠮶位拎叠单薄黎𠮶阵，我地先比到佢。但系要找数时先黎雪糕，仲要呢资收左单，𠮶头就话够钟摧交枱，下？？？我要同佢地讲返，先话咁食完先啦。不过佢地又唔系赶住入客㖞，因为隔离枱到我地走𠮶阵都仲未执，好奇怪啰。呢样系我地觉得最有问题既地方。如唔想等位既，可以黎睇下有冇位，有既可以一食。呢间问题不大，最大问题真系人手不足，我食野呢边场，得一个人，想做死人地个仔咩。