北豆 Bar & Grill (已結業)

网上得知呢间位于北角既串烧小店就黎关门，谂住月底前去支持一下，所以就衬星期六同老公去食晏帮衬下。一去到啱啱有位，之后嚟个d人就开始有等枱了。另外门口企左唔少人等外卖。我地见咁多人都快快手填左菜单俾人落单先。楼面似乎得一位姐姐负责带位同落单，佢仲要做埋出餐，所以忙到爆。我地叫左烧蘑菇，猪腩肉，厚烧牛舌，烧鳝同埋炸烧卖（加一罐汽水）。蘑菇系第一件黎，面头系川式调味=好麻好辣😂😂我唔食得辣，所以俾左老公食买佢。又等左一段时间，个牛舌就黎啦，哩个烧得好juicy好好味，个汁都好夹，一份有两串啱啱好。之后再等左一段时间个猪腩肉黎啦。一望就知道好好食因为真系好香油香，咬落松软juicy，超正！又系一份有两串。之后就一直冇野出……我地见越来越多人排队同等外卖，谂住追吓单，如果未烧就取消，阿姐帮手睇完单之后就攞埋烧鳝俾我地。个膳又系油香四溢，咬落啖啖肉，调味一流。临埋单阿姐帮我地取消左烧鸡皮，同攞埋兜炸烧卖俾我地。最后我地企系门口食埋个烧卖，烧卖喺鱼肉烧卖，炸得刚刚好，不过烧卖都系d大路野，好难话唔好食，亦好难话十分好食。综合嚟睇北豆d串烧真系几好食，有时间既话都想再帮衬下。