影片
更多
2004-12-24
14 浏览
我呢行好得意，到年尾假日气氛就好浓厚，同行的唯一一个工作就系周围咁去揾人联谊，所以一日都要走好几场至得掂。寻日下昼client做东，请了来这里吃。几年无来，Verandah 依然高贵，大露台view虽然唔算太好景，但半岛始终是半岛，坐在里面感觉系grand好多，虽然我们是公务在身，但坐在这里人也闲逸了一点，谈话也轻松一些。。呢度下昼有三道菜的套餐，商务应酬大家都唔会搞咁多花臣，就人叫咩我叫咩。头盘三拣一，我见有个刃草虾仁火腿蜜瓜芒果沙律﹝个名好长！﹞好似几好，但大队系去食自助沙律吧，所以唯有照跟。沙律吧都算几多野食，几款涷切肉、沙律菜如火箭菜、罗马生菜、苦白菜及沙律汁，好新鲜，味道不差，加上又不便出去咁多次，所以相比之下，我还是觉得无叫的那个刃草虾......芒果沙律好一点；主菜四拣一，鱼牛鸡同斋，四个人中竟然有两位食斋，我就要了蘑菇白汁烩牛仔胸配宽条面，我的女同事就要了牛油煎𫠐鱼。我的牛仔胸配fettuccine卖相非常精美，正是唔打得都睇得。牛仔胭肉质还算不错，蘑菇汁浓滑，亦好有香味，fetuccine好有咬口，配合磨菇汁都不错；同事佢个牛油煎𫠐鱼都好香，唔错，我眼见又系唔打得都睇
呢度下昼有三道菜的套餐，商务应酬大家都唔会搞咁多花臣，就人叫咩我叫咩。头盘三拣一，我见有个刃草虾仁火腿蜜瓜芒果沙律﹝个名好长！﹞好似几好，但大队系去食自助沙律吧，所以唯有照跟。沙律吧都算几多野食，几款涷切肉、沙律菜如火箭菜、罗马生菜、苦白菜及沙律汁，好新鲜，味道不差，加上又不便出去咁多次，所以相比之下，我还是觉得无叫的那个刃草虾......芒果沙律好一点；
主菜四拣一，鱼牛鸡同斋，四个人中竟然有两位食斋，我就要了蘑菇白汁烩牛仔胸配宽条面，我的女同事就要了牛油煎𫠐鱼。我的牛仔胸配fettuccine卖相非常精美，正是唔打得都睇得。牛仔胭肉质还算不错，蘑菇汁浓滑，亦好有香味，fetuccine好有咬口，配合磨菇汁都不错；同事佢个牛油煎𫠐鱼都好香，唔错，我眼见又系唔打得都睇得的，切得好得靓；
甜品是自助形式，有两盘生果，分别是士多啤梨及蓝莓，有一个苹果批，一个慕丝蛋糕，一盘mini-cake，坦白讲，以半岛的盛名来说，阵容是弱了一点点，加上呢几日都滞滞地，所以吃了些士多啤梨及蓝莓就算，都算好新鲜，我同事仲出多一次专士多啤梨添；
最后例牌是杯咖啡或茶，同半岛的Petits fours结尾，可惜呢排吃得太多呢类的食品，公司案头少说也有一大堆，所以都系吃块曲奇算了。
不用埋单，但都知价，应该系一千找几蚊。地方典雅，食物唔错，招呼亦有水准，都值番呢个价钱的。
张贴
