影片
更多
2021-08-02
944 浏览
老实讲我屋企算系呢间分店常客，平日买晚餐，假日买早餐/下午茶，我自己好钟意饮佢啲奶茶，亦系我自己成日叫屋企人帮衬，今次真系超激气！起码一个月唔准屋企人再帮衬！！不论任何分店！屋企人电话落单3个餐两个炖汤，我收工顺路去啰，张单落单时间系19:17，我19:45左右到。$240我百达通唔够钱，唔想增值住，问下可唔可以分开比，收银个阿姐（短发）唔知做咩好大声咁应唔得电话落单唔可以分，我自问态度OK，问下jer，唔得就唔得啰使唔使咁大声，我觉得佢应该系辛苦左一日将Ｄ脾气发落我度啰，或者系呢几日有消费券太好生意好辛苦，但系关我咩事，又唔系我害你！当我低能问多余嘢。我埋边增值，一分钟内19:47再去俾钱，收完钱同一个阿姐话我个外卖未齐，已经半个钟仲未得？！我一黎到已经见到疑似我份外卖，我以为搞掂，一袋3个饮品，一袋野食连5盒圆盒，根据我呢个熟客经验，果Ｄ系3饭2汤。未得通常唔会攞出黎，同埋都已经半个钟。我有Ｄ奇怪🤔，不过我又无黑面或者闹收银姊姊，心谂佢唔会玩我，应该系真系未得未齐。我企系正门玻璃门口等，直望住我果两袋野食等左15分钟……. 无人加过嘢入去… 收钱姐姐有巡视过无人啰既外卖包括我果两袋
屋企人电话落单3个餐两个炖汤，我收工顺路去啰，张单落单时间系19:17，我19:45左右到。$240我百达通唔够钱，唔想增值住，问下可唔可以分开比，收银个阿姐（短发）唔知做咩好大声咁应唔得电话落单唔可以分，我自问态度OK，问下jer，唔得就唔得啰使唔使咁大声，我觉得佢应该系辛苦左一日将Ｄ脾气发落我度啰，或者系呢几日有消费券太好生意好辛苦，但系关我咩事，又唔系我害你！
当我低能问多余嘢。我埋边增值，一分钟内19:47再去俾钱，收完钱同一个阿姐话我个外卖未齐，已经半个钟仲未得？！我一黎到已经见到疑似我份外卖，我以为搞掂，一袋3个饮品，一袋野食连5盒圆盒，根据我呢个熟客经验，果Ｄ系3饭2汤。未得通常唔会攞出黎，同埋都已经半个钟。我有Ｄ奇怪🤔，不过我又无黑面或者闹收银姊姊，心谂佢唔会玩我，应该系真系未得未齐。我企系正门玻璃门口等，直望住我果两袋野食等左15分钟……. 无人加过嘢入去… 收钱姐姐有巡视过无人啰既外卖包括我果两袋，疑似想帮我跟单，行去出餐/饮品窗口，不过只系行左又行右，感觉系扮忙/无事忙，如果全程低头唔同窗口眼神接触系可以沟通同追单，咁我输啰⋯⋯
期间有pack外卖姐姐推过两车外卖出黎，都唔系我既，我忍唔住问过个外卖姐姐，几时有，佢话未有，不过经过我果两袋嘢，就话已经系度，我忍唔住问唔系未齐咩，外卖姐姐仲狡辩，话之前未齐，佢头先摆埋最后一盒…… 我无见过呢个姐姐埋去啰，如果系啱啱加落去，应该会搬埋落架外卖推车啰！
我自己以后都唔会帮衬呢间！
张贴
