天天海南雞飯 (新城市廣場三期)

营业中

休息中

曾经食过天天海南鸡饭觉得一试难忘，今日嚟到沙田又决定帮衬吓。今次决定试新嘢，首先就拣咗龙虾炸米。海鲜好丰富，除咗有龙虾肉，仲有带子同虾仁。餐牌上都有解说教你点食，店员仲乐意帮手处理。首先将炸米放入龙虾汤内。然后就放入海鲜捞匀。超好味嘅海鲜龙虾汤饭就诞生喇！炸米吸收咗龙虾汤，仍能保持微微嘅香脆，再配合各款爽滑弹牙嘅海鲜，口感非常丰富，味道亦佳。当然都要食吓主角海南鸡。之前食过天天海南鸡都好出色，所以今次就拣咗另一款嘅正宗海南鸡拼烧鸡。正宗海南鸡嘅鸡皮较天天海南鸡嘅厚身，口感十分爽脆，有点似海蜇，而鸡肉肉质弹牙，加埋原有嘅鸡汁，个人认为唔需要点黑豉油都已经够好味。天天烧鸡就皮脆肉滑，就算鸡胸都一啲都唔嚡口，钟意香口嘅朋友就一定会钟意呢个烧鸡。食海南鸡就一定要配返个鸡油饭，细size 1-2人份量都已经非常足够，鸡油饭香而不带油腻感，呢个价钱相当抵食。小食就拣咗松露虾多，份量足足有两片方包咁大份。虾多士上有原只大虾，仲有接近舖满嘅黑松露酱。而虾多士入面就酿满咗墨鱼胶，口感特别爽口弹牙，呢个价钱真心抵食。