花果山 (已搬遷) 新店位置

正所谓做𠮶行厌𠮶行，由于曾经喺茶饮店工作，基本上呢类饮品已经饮到怕，所以呢大半年嚟好少专登去光顾茶饮类黄店。不过知道花果山早前曾告急，于是出开旺角就顺路过去帮衬。比起饮品，其实我更加想试佢哋个手作饭团，共十款，声称由日本人师傅主理，但只系卖十二蚊一个😮，比华御结更平，不过去到时已接近黄昏，饭团一早沽清，唯有叠埋心水拣杯嘢饮。据闻呢度最出名系榴梿系列，可惜并非我心头好，本来有啲想试枇杷膏系列，但系又惊有伏😅，最后见刚好有啲肚饿，就点咗杯饱肚啲嘅玫瑰奶。首先要赞下杯嘢嘅卖相：粉红色，非常讨好；味道方面，鲜奶味颇为浓郁，相对玫瑰味就唔系好强，整体嚟讲属正常水准，不过由于杯入面嘅冰块好多，饮饮下好快就变得比较淡，所以紧记要快饮呀😆。