煮宮

营业中

休息中

我好钟意饮炖汤，但老爷奶奶成日都话出面啲炖汤系味精汤，唔知系真定假但想饮我就咪去饮碗啰。今日去左观塘工厦食饭，时间大概系两点，餐厅无乜人。OPENRICE 睇餐单时见到有个蒜蓉蒸蚬饭，但去到间餐厅又唔见有，唔紧要啦咁我食虾干豆卜蒸排骨饭啦。炖汤等左大约10分钟，见到食材有鸡脚、桂圆、猪肉、药材等，惊喜系见到有大约2粒瑶柱，虽然瑶柱好细粒但用佢尼调味啲汤好好饮。预一日订枱及完成点餐可以升级花胶炖汤，可惜我太即兴。落左单大约20分钟先蒸好个饭，我觉得好大份啰。明明我叫左少饭，睇尼以后我要叫半饭啦....排骨系用豆豉酱，加上大量葱花及香蒜，虾干豆卜正常水准。啲饭系蒸味饭其实好开胃，但我真系食得好少架咋，食得哂啲𩠌已经好比面。我自己会觉得，炖汤得太少汤太多食材(汤渣)，而我自己又食唔落啲食材，所以我认我系大嘥鬼。