影片
更多
2018-09-25
55 浏览
最近成日都约人去尖沙咀食饭，因为放左学过去太就脚。不过其实我大部份时间食黎食去都系个几间，冇咩新意，实在太懒揾新野食。今次系条街度行行下望下周围有咩好食嘅时候，偶然经过呢间餐听，朋友话佢之前有黎食过lunch都几好食，既然系咁就一于入去试试佢！佢舖头外观好靓，似人地打卡嘅感觉！我地18:30左右到大约坐左一半人左右，到7点左右已经坐满晒店员好好人，服务好周到，落完单之后仲会主动黎帮我地斟豉油仲会适时黎斟茶，唔会比个杯有得返1/3嘅茶嘅机会首先系什锦刺身拼盘，店员好有耐心咁解释比我地听每一样野系咩黎。有时D刺身真系食完都唔知系咩黎，就算觉得好食都唔知点样再叫返，但呢度就唔会有呢个问题！每一件刺身都好厚切同新鲜，肥瘦度岩岩好，鱼油分布都好平均，食完唔会有腻口嘅感觉。咁多样之中我觉得八爪鱼最有惊喜同最好食平时食嘅八爪鱼大多都系成块都好爽口，但呢度系有层次嘅，上面近吸盘位置嘅爽脆，下面就带点微微嘅烟韧，加埋一齐别有一番滋味！寿司紧随其后就上枱，野食都黎得算快。帆立贝寿司、八爪鱼寿司、墨鱼寿司同三文鱼腩寿司各一件。寿司份量几大，而刺身就更大，真系好抵食！帆立贝好滑溜，八爪鱼同墨鱼加上酱汁好香，三
首先系什锦刺身拼盘，店员好有耐心咁解释比我地听每一样野系咩黎。有时D刺身真系食完都唔知系咩黎，就算觉得好食都唔知点样再叫返，但呢度就唔会有呢个问题！
每一件刺身都好厚切同新鲜，肥瘦度岩岩好，鱼油分布都好平均，食完唔会有腻口嘅感觉。咁多样之中我觉得八爪鱼最有惊喜同最好食平时食嘅八爪鱼大多都系成块都好爽口，但呢度系有层次嘅，上面近吸盘位置嘅爽脆，下面就带点微微嘅烟韧，加埋一齐别有一番滋味！
寿司紧随其后就上枱，野食都黎得算快。帆立贝寿司、八爪鱼寿司、墨鱼寿司同三文鱼腩寿司各一件。寿司份量几大，而刺身就更大，真系好抵食！帆立贝好滑溜，八爪鱼同墨鱼加上酱汁好香，三文鱼腩就好肥美性价比真系超高
跟住就系重头戏嘅葱花海胆大板卷啦最近真系对海胆情有独钟，以前嘅我真系唔好海胆，食过一次靓嘅海胆之后就停唔到！呢个卷非常之足料，拖罗同海胆都非常多，平时就咁食板海胆都唔只呢个价，仲要有齐2种贵价食材，真系唔食对唔住自己
店员教我地要先自己加上豉油同wasabi，再由左边开始卷起。我地跟住指示做，结果D馅多到挤晒出黎，我成手都hi 晒拖罗同海胆嘅口感好夹，海胆香味好出！加埋葱令到个卷加添左一D fresh 嘅感觉！黎到真系必试！
食日本野我基本上都会叫天妇罗，仲要佢呢度有我钟意嘅个种蕃薯天妇萝，真系好难揾！天妇罗新鲜炸起，口感几松脆。
最后就用串烧收尾，一串鸡软骨、豚肉露荀串，烧面酱茄子串。稍稍觉得个豚肉露荀串咸左少少。烧茄子系串烧里面我好钟意嘅，呢度加左个酱汁令佢甜左好多
食饱之后倾左一阵计见到有好多人等紧位，所以我地就让左个位出黎去行街消化下！真系好满足嘅一餐
张贴
