影片
更多
2024-12-26
215 浏览
成功在于每一个细节 ❤️塱原打卡后还车后 见到间新Cafe 单品控就八卦吓Menu 一见餐牌封面吓亲 因为系饺子🥟！ 咁饺子控见到有Cafe Cross Over 饺子 仲有好多Single Origin (兼且有德国Roaster Five Elements嘅豆😱) 咁就入左去帮衬～一入到去觉得好靓好Chill好Relax 😍 店员好Nice咁帮我落左单后 我就去流手间梳洗吓 第一个细节位我见到系佢哋用嘅洗手液系Aesop 估唔到小店都咁有要求 🥰返埋位再望到枱面有鲜花🌷 即刻觉得心旷神怡 等紧食物时又走围望望 见到左边枱年轻男悉心为Lemon Tart摆位拍照 前面枱两位女士食紧份精美All Day 然后有一家三口一齐着圣诞红格仔衫入黎 妈咪见到环境咁靓就带女儿拍左好多照片 🥰甜美笑容嘅店员先送上我嘅单品热Honduras Americano (我一般要试Americano才决定以后会唔会再黎试手冲 - 无办法🙆♀️话晒系考过SCA手冲L2嘅啡甩，唔会胡乱外面试手冲😌) 正准备饮第一啖时见到杯啡伴着一张自制小卡角落写上：happiness is a piece of cake 🎂
塱原打卡后还车后 见到间新Cafe 单品控就八卦吓Menu 一见餐牌封面吓亲 因为系饺子🥟！ 咁饺子控见到有Cafe Cross Over 饺子 仲有好多Single Origin (兼且有德国Roaster Five Elements嘅豆😱) 咁就入左去帮衬～
一入到去觉得好靓好Chill好Relax 😍 店员好Nice咁帮我落左单后 我就去流手间梳洗吓 第一个细节位我见到系佢哋用嘅洗手液系Aesop 估唔到小店都咁有要求 🥰
返埋位再望到枱面有鲜花🌷 即刻觉得心旷神怡 等紧食物时又走围望望 见到左边枱年轻男悉心为Lemon Tart摆位拍照 前面枱两位女士食紧份精美All Day 然后有一家三口一齐着圣诞红格仔衫入黎 妈咪见到环境咁靓就带女儿拍左好多照片 🥰
甜美笑容嘅店员先送上我嘅单品热Honduras Americano (我一般要试Americano才决定以后会唔会再黎试手冲 - 无办法🙆♀️话晒系考过SCA手冲L2嘅啡甩，唔会胡乱外面试手冲😌) 正准备饮第一啖时见到杯啡伴着一张自制小卡角落写上：happiness is a piece of cake 🎂 OMG 😍 使唔使咁mindful呀 🧡 再饮完第一口Americano就知道我应该会返黎试手冲 😎
一间Cafe有饺子已经好特别 佢哋仲有心思在煎饺上放了一件名为“繁花💮”嘅点缀(因为唔知道食唔食得才问店员得知点缀叫繁花) 然后伴以沙律同两件Madeleine...
饺子控一大口食左半个饺子觉得不得了😱好有家嘅感觉喔😍因为我仲未包到呢种形态涨卜卜又咁juicy嘅饺子...😅 再食埋沙律 一口咬落去就问点解...点解...(我系味吉阳一个fd🤓)点解会有咁新鲜嘅蔬菜出现向间小店内嘅...😱...最后食埋旧Madeleine...居然！居然唔太甜...又问点解会佢唔似出面鬼死咁甜，甜到想呕嘅Madeleine嘅...
呢间小店太多令肥妈惊喜嘅地方...实在令我好期待再过黎踏单车 😍...最搅笑系有位女士好开心咁埋单后同店员讲：我一定会再返黎㗎，仲要好好收藏唔好话俾人知😂费事太多人过黎...
就系因为佢呢句说话 我思索左好耐 究竟要唔要放上Openrice🤔 因为我都想收藏唔想咁多人黎我入唔到去🤣 最后超级懒惰嘅我(好耐无写Openrice了...)决定花一粒钟时间写呢篇嘢 系想多谢店主店员悉心管理小店 你哋嘅心思大家都有看见 真的 我咁懒都看见😆 希望你哋一路平安咁经营下去 多谢你哋 我今日食得好开心 祝福大家～🧡
张贴
