興隆車仔麵 (已結業)

揾咗好耐, 终于俾我揾返呢间兴隆车仔面喇.... 自从当日女人街铺执咗之后, 真系令我好失望呀!! 以为以后都再食唔到咁好食嘅车仔面... 真系好开心今日俾我再遇上它....我女朋友知道我钟意食呢间车仔面, 所以佢上网周围search, 点知真系俾佢揾到. 所以今日星期六我地两个即刻嚟红磡试吓.好熟悉嘅招牌, 好面善嘅老板娘, 真系呢间兴隆车仔面. 一试之下, 水准不但继续保持以前嘅高质素, 而且价钱仲好似平过以前添!我认为最好最好食嘅𩠌包括: 萝白(好甜), 猪肠(正), 猪红(好爽又够味), 鱿鱼(弹牙同埋新鲜), 豆腐(外脆内软) ... 仲有好多其他好食嘅包括: 煎蛋, 餐肉, 鱼肉, 牛根腩.... 最紧要系一丁面真系一丁面呀, 老板娘仲特登唔落其他汁落去, 怕影响咗丁面嘅原味添!好开心当我地食完面走果阵, 老板娘见到我地, 话我地好熟面口, 原来佢都认得我地两个系旺角嘅熟客仔, 当堂令我觉得好似帮衬紧熟人开嘅铺头一样, 加上老板娘又nice又有礼貌... 抵我地一直支持佢!!