富士山 (已結業)

今次系第二次食呢间餐厅，对上一次质素都ok，而且食午餐都都只系49蚊 仲要包埋饮品。上次食系好正常，旧三文鱼系我认识嘅三文鱼。不过今次，真系好唔掂！！我同朋友都叫咗碗杂锦鱼生丼，望落好正常，食到三文鱼个阵，我呆咗… … 咩嚟？我未食过咁嘅三文鱼生，连皮食？三文鱼皮可以生食㗎咩？碗饭有两块三文鱼，食第一块都系近皮嘅位，吐咗所以就唔影啦，呢块系第二块，都系皮嚟。而朋友个碗，都系三文鱼皮嚟。我觉得49 蚊都唔可以话好高要求，不过呢块三文鱼皮，过份咗啲啰 ，一系你细旧啲，一系就加价，比块咁嘅嘢？呢间餐厅，食熟嘢可以，不过生嘅就不了。