金玉茶餐廳

营业中

休息中

回锅肉面配华田（$29）其实司令真系几中意食茶餐厅，虽然唔系咩惊人美食，什至系自己系屋企都煮得出既野，但系旧式茶餐厅，总系有种好好既亲切感，相对起好多连锁餐厅既流水式作业，同啲出左名串到你上天花板既餐饮，司令宁静入茶餐厅食个面。尼间位于观塘既茶餐厅，装修真系好旧，多数都系啲叔叔一个人食，仲有好神奇既系有开放式厨房😂。司令叫既系回锅肉面，肉够多，比得足料，面非常抵赞，虽然系大光面，但你落单后叔叔先煮，煮得岩岩好，食落好似出前一丁，比起好多茶餐厅煮好晒啲面，有人要先倒热汤落去有诚意得多。睇唔惯有啲人成日踩啲餐厅，其实司令觉得好多时食野唔单单系味觉上既感受，仲要睇埋煮既人既心机，卖既价钱，人情味❣等等，如果单纯拎街市叉烧同烧味名店比，其实系好无谓既比较。