紅丸甜品 (已結業)

星期六带咗两个小朋友去试试这个熊猫饭，星期六下午一时半才开门，我地早到咗唯有坐一下咖啡店先返黎，呢个小小的食店只有几张细枱，当然我地第一个到，未有其他客人，星期六的鲗鱼涌果然好清闲。睇过餐牌一个套餐都系五十几蚊，都系小店的价钱，大家二话不说就叫咗熊猫咖喱饭熊猫咖喱饭黎喇，小朋友都好兴𡚒，卖相真系好打耳呀！以为得五粒小小的饭团唔系好饱，点知食咗三粒就已经饱了！日式咖喱都好食，但系都不是太特别由于套餐入面的甜品唔包括啤酒样的苹果啫喱同埋西瓜冻，于是加钱试一试，外型有趣而且都好好食，都值得一试，个西瓜冻都应该用真西瓜整的，唔甜又有真的西瓜味，好清新！食物做型好可爱好得意，真系吸引女孩子同小朋友！就算系影幅相呃like 都值得呀！