Sogno Cafe+ (已結業)

喺klook订咗个任食任饮任坐放题，选择虽然唔似自助餐咁多选择，食物亦只系一般质素，但胜在环境舒服价钱亦抵，值回票价。嘢饮质素同选择都足够，二百零蚊连埋加一同朋友食坐饮足三个钟，无人催，性价比好高！唔好对食物存在期望会令你惊喜大足。基本上作套西餐都齐全，由头盘嘅沙津，炸物到主菜意粉，全日早餐，薄饼，然后甜品，饮品都任君选择，大食可以不停嗌主菜，唔食斋饮佢都好多选择，真系抵到不得了，十分推介。由头盘讲起，沙律好普通，都叫新鲜欠摆盘only。炸物好似有炸鸡薯条多士吞拿鱼酥，都同平时楼上cafe质素差唔多。主菜方面，意粉真系唔差，最基本意粉硬度适中，汁足够，味都调得唔错。薄饼，热辣辣上起，好味嘅。全日早餐，卖相唔靓，其实佢系连埋旧麻糬窝夫，但佢话要迟啲先上埋㖞，令到个卖相更差，但可入口嘅，同你喺屋企求其煮埋啲嘢食咁上下，其实佢旧麻糬窝夫做到唔错，烟烟韧韧，外面都仲系脆。甜品都系食返依旧窝夫，配返雪糕，口感升返级，我自己最满意依个，麻糬窝夫就系要中间烟韧，面头脆，外脆内软就好味。建议佢改良一下，如果佢成旧窝夫做返厚身啲似格饼口感或者索性变薄脆配合中间麻糬软感，用佢嚟做主打相信会好吸引。