Story Steak & Pasta (已結業)

心血来潮之下想同朋友去锯扒，行行吓见到呢间餐厅，于是就决定同朋友试一试。同朋友过叫咗一个西冷扒嘅套餐套餐其实包好多嘢食，除咗主菜之外，仲可以拣食薯条or饭or意粉。仲有焗到好脆嘅蒜蓉包，餐汤（有得拣南瓜汤或者蘑菇汤）同一杯餐饮因为餐牌嘅食物实在太吸引啦，所以我哋都忍唔住叫多咗一个鸡翼小食，呢个小食真系必叫之选，鸡翼炸起上嚟外皮好脆，入面中有好多嘅肉汁流出嚟，诚意推荐比钟意食鸡翼嘅人！餐汤嘅表现都十分好，我叫嘅系蘑菇汤，真系食到有蘑菇一粒一粒喺碗汤入面，有口感之余，味道都好有层次。最后就系主菜啦，我同朋友都叫咗七成熟，啱啱上碟嘅时候切开嚟食真系最好食，切出嚟嘅侧面真系好靓，食落去会发现厨师嘅手势好好，真系刚刚好，唔会太生唔会太熟。食得出牛扒原有嘅味道，再配埋佢自制嘅酱汁，真系食过返寻味。