影片
更多
2023-02-20
46 浏览
行过见到一间楼上铺，上去发觉原来咁多人食，未食就知道应该唔差，而且见到佢Menu好多选择已经好想每样都食下。最吸引嘅小食有好多，最后叫咗少见嘅淑麻虾胶腐皮脆卷同南乳炸鸡翼。腐皮脆卷炸得好脆口，食落去仲有粒粒虾肉，有少少虾鲜嘅味道，再配合少少麻辣嘅味道，由虾胶吸晒啲汁，简直就系出色！南乳炸鸡翼，都系煎炸脆皮，食落口嘅鸡肉仲有肉汁，食落唔会好干。虽然南乳味唔重，但都好有味道，唔会淡口，一样都咁滋味。蒜蓉金菇粉丝奄仔蟹荷叶饭呢个笼仔荷叶饭真系好抵食！大大旧蟹喺你眼前，仲帮你剥晒壳，可以食到蟹肉之余，仲可以食到蟹膏。用海鲜蒸出嚟嘅饭都好入味，而且仲加咗粉丝、蒜蓉、冬菇碎、瑶柱粒，葱嘅配料令到看似白色嘅蒸饭一啲都唔平凡，好有蟹肉嘅鲜味。白饭粒粒分明之余仲好有味道，而且仲好大碟，一定够晒饱～韩式道地封门牛柳石锅饭见丰富嘅酱汁，配上少少酸辣嘅泡菜，感觉开胃。牛柳粒入到味，酱汁都比较出色，令到牛柳粒本身嘅味道唔算太突出。不过有石锅上菜更加令到韩式烧肉嘅味道突出，热呼呼咁好吸引。不得不提一定系杯嘢饮，看似最普通嘅饮品一啲都唔简单，叫咗杯芒果冻顶乌龙茶。大杯到真系吓亲，咁有诚意，只系加咗少少钱，就有咁大杯
最吸引嘅小食有好多，最后叫咗少见嘅淑麻虾胶腐皮脆卷同南乳炸鸡翼。腐皮脆卷炸得好脆口，食落去仲有粒粒虾肉，有少少虾鲜嘅味道，再配合少少麻辣嘅味道，由虾胶吸晒啲汁，简直就系出色！
南乳炸鸡翼，都系煎炸脆皮，食落口嘅鸡肉仲有肉汁，食落唔会好干。虽然南乳味唔重，但都好有味道，唔会淡口，一样都咁滋味。
蒜蓉金菇粉丝奄仔蟹荷叶饭呢个笼仔荷叶饭真系好抵食！大大旧蟹喺你眼前，仲帮你剥晒壳，可以食到蟹肉之余，仲可以食到蟹膏。用海鲜蒸出嚟嘅饭都好入味，而且仲加咗粉丝、蒜蓉、冬菇碎、瑶柱粒，葱嘅配料令到看似白色嘅蒸饭一啲都唔平凡，好有蟹肉嘅鲜味。白饭粒粒分明之余仲好有味道，而且仲好大碟，一定够晒饱～
韩式道地封门牛柳石锅饭见丰富嘅酱汁，配上少少酸辣嘅泡菜，感觉开胃。牛柳粒入到味，酱汁都比较出色，令到牛柳粒本身嘅味道唔算太突出。不过有石锅上菜更加令到韩式烧肉嘅味道突出，热呼呼咁好吸引。
不得不提一定系杯嘢饮，看似最普通嘅饮品一啲都唔简单，叫咗杯芒果冻顶乌龙茶。大杯到真系吓亲，咁有诚意，只系加咗少少钱，就有咁大杯嘢饮而且仲好好饮，夏天真系会狂饮，不错哟~以咁嘅价钱食到咁嘅水准，值得一试！
张贴
