囍慶酒家

营业中

休息中

今日同男友父母食饭，叫咗两个海鲜餐$438x2，都几抵食，而且比预期好食，所以都推介下。但大家要留意，4位去食更抵。因为会多一个汤同埋蟹煲。上汤开边龙虾伊面 - 我钟意龙虾开边食，因为好易起肉，仲要系一条过，啖啖肉。龙虾鲜味弹牙，伊面吸收晒上汤同埋龙虾精华。矿泉水鲍鱼 - 清清地嘅鲍鱼味，沾小小wasabi同鼓油，更能带出鲜甜。白灼虾 - 白灼虾最紧要系新鲜，食落就知。清蒸龙趸 - 因为我地4个人，叫套餐可升级食龙趸，抵食。豉椒炒花蛤 - 份量唔少。红烧开边乳鸽 - 正常的酒楼水准。金银蛋菜苗 - 第一次食唔系苋菜配金银蛋，又ok wor。劲蒜贵妃蚌 - 除咗用新鲜蒜同埋粉丝加系面蒸，蒸完仲有炸蒜加系面，名符其实。蒜、粉丝、蚌，三样一齐食，绝配! 我地秒杀咗呢几只蚌。金粟海鲜汤 - 加咗粟米嘅海鲜汤好清甜，仲有萝卜、虾、蚬…。xo酱粉丝蟹煲 - 呢个蟹新鲜、粉丝入味，好食到唔停口，最推介。炒饭 - 都唔错，但由于太饱，所以食唔晒。个餐包野饮，我地要咗椰青水，仲有红豆沙/绿豆沙送，食到捧住个肚走。临走睇到酒楼仲有龙虾海鲜火锅任饮任食嘅餐，下次可以再嚟试下。