影片
更多
2020-05-14
382 浏览
同男朋友行完朗豪坊，喺附近见到间餐厅新开就去试试，虽然门口有啲似茶餐厅feel，不过其实入面都几有格调，仲要播住耳熟能详嘅英文歌🎶🎵，劲好feel。先叫左2个小食，马拉鸡肉串同避风塘炸烧卖。避风塘炒蟹就听得多，避风塘炸烧卖就真系未试过，佢有啲似用气炸锅炸出嚟嘅感觉，外皮脆脆地好干身，有大量蒜同辣椒🌶，香辣惹味。马拉鸡肉串同避风塘炸烧卖都系用点心笼装住，卖相几得意! 呢个马拉鸡肉串有6串，都几抵食，上面加上芝麻好香。可能啱啱新开，啲套餐都好抵食，讲紧芝士焗半只波士顿龙虾🦞拼石烧美国安格斯西冷牛扒🐂都只系$168 咋🤑，平时喺出面啲高级少少嘅西餐厅食都坐底要300几蚊，而且质素同味道一啲都唔输蚀，难怪差不多台台都叫一客啦。跟餐有法式蒜包、餐汤同奉送$23 嘅饮品，真系抵到喊!! 芝士焗半只波士顿龙虾虽然唔算太多肉，不过芝士焗到好香，净系卖相已经流晒口水🤤🤤。石烧美国安格斯西冷牛扒好大块，肉质鲜嫩。不得不介绍就系配菜薯角，炸到金黄香脆，绝对比好多高级西餐厅整得仲出色。另外叫左个石烧牛扒系列，佢其实有好多款式，不过我地就拣左个美国极上和牛，份量好足够，油份丰盈，味浓甘香，佢先整到五成熟，客人可
同男朋友行完朗豪坊，喺附近见到间餐厅新开就去试试，虽然门口有啲似茶餐厅feel，不过其实入面都几有格调，仲要播住耳熟能详嘅英文歌🎶🎵，劲好feel。
先叫左2个小食，马拉鸡肉串同避风塘炸烧卖。
避风塘炒蟹就听得多，避风塘炸烧卖就真系未试过，佢有啲似用气炸锅炸出嚟嘅感觉，外皮脆脆地好干身，有大量蒜同辣椒🌶，香辣惹味。
马拉鸡肉串同避风塘炸烧卖都系用点心笼装住，卖相几得意! 呢个马拉鸡肉串有6串，都几抵食，上面加上芝麻好香。
可能啱啱新开，啲套餐都好抵食，讲紧芝士焗半只波士顿龙虾🦞拼石烧美国安格斯西冷牛扒🐂都只系$168 咋🤑，平时喺出面啲高级少少嘅西餐厅食都坐底要300几蚊，而且质素同味道一啲都唔输蚀，难怪差不多台台都叫一客啦。跟餐有法式蒜包、餐汤同奉送$23 嘅饮品，真系抵到喊!! 芝士焗半只波士顿龙虾虽然唔算太多肉，不过芝士焗到好香，净系卖相已经流晒口水🤤🤤。石烧美国安格斯西冷牛扒好大块，肉质鲜嫩。不得不介绍就系配菜薯角，炸到金黄香脆，绝对比好多高级西餐厅整得仲出色。
另外叫左个石烧牛扒系列，佢其实有好多款式，不过我地就拣左个美国极上和牛，份量好足够，油份丰盈，味浓甘香，佢先整到五成熟，客人可以根据自己口味，用热石整熟啲都可以，不过我自己就钟意食生少少，可以更加食到肉质鲜嫩程度。虽然店员比左樽玫瑰盐，不过其实唔驶加已经好好味，反而我觉得加左仲会破坏左个肉味。呢个和牛都系$168咋，系咪好抵食呢。咁平嘅价钱就可以食到和牛🐮，正呀!
之后叫左2杯薄荷同玫瑰乳酸饮品，味道都唔错，够晒冰凉，啱晒宜家个天气饮。
呢间餐庞啲嘢真系好抵食，最重要系质素真系唔错，绝对值得试下!!
张贴
