吉野家 (海悅廣場)

营业中

休息中

昨日经过海悦广场吉野家，见到有个88蚊嘅半放题火锅，价钱合理又唔贵，心思思就入去一试，询问收银员个半放题火锅有咩特别，个收银员就好用心好有耐性去介绍，原来呢个锅系极上拼盘锅，有虾、蚬、蟹柳、向铃，还有八款唔同嘅配料任食，包括有我最钟意食嘅芝士竹轮、鲜虾鱼皮饺、鸡肉肠、芝心丸、粟米、金菇、冬菇、娃娃菜,同埋茶，汤，汽水，奶茶咖啡可以任饮，有三款汤底可以选择有日式浓汤、清汤、蕃茄汤,跟一份牛肉或鸡肉,如果惊唔够食还可以加28蚊升级牛肉鸡肉可以任食,呢个价钱喺第二度真系食唔到,食材新鲜，味道有水准，员工补给食物迅速，今次真系黎个大满足，下次一定会带埋朋友去一齐食