凝香園

营业中

休息中

收工去左公司後街掃街🤣🤣 想食少少野但又唔想食太多野影響食晚餐～ 返工咁耐都冇乜點行呢幾檔小食～ 行過見到好多人幫襯，店員手腳慢少少，就已經要排隊了～ 本身想食燒賣，但見呢間有台灣熱狗腸好吸引，仲要係$5，真心好平！諗都冇諗就買左食了！佢既台灣熱狗腸唔似正宗台灣食嘅腸仔嘅味道，似熱狗腸多少少，包住熱狗包會更好食🤣🤣 佢好似有分黑椒味同原味～ 但我就揀左原味！還算一般般😊但真係抵！不過條街競爭都好大，所以好多野都好似好平，魚蛋燒賣$8有10粒，銅鑼灣來講真係太誇張！