影片
更多
2021-11-28
82 浏览
之前喺北角𠮶边返工见到呢间新开嘅台湾餐厅，虽然佢开喺北角会汇商场入边，但系啲嘢好似几抵食，𠮶日就同两个friend去试吓。佢个餐牌虽然唔算话好多选择，但系有好多经典嘅台湾菜都有得食。我哋叫咗个大肠蚵仔面线，呢个𩠌都好耐冇食过，食𠮶阵其实都令我谂翻起台湾食阿宗面线嘅感觉，系好食嘅！之后我哋就嗌咗碗红烧牛肉面，啲牛肉一啲都唔会硬而且好够味，个汤底都有喺台湾食嘅感觉。之后再叫咗个牛肚牛筋面，都系相当唔错好入味！跟住我哋就嗌左啲小食，叫咗个盐酥鸡粒，佢炸得好香口，但又唔会好油腻，而且价钱都仲系好平，减咗㗎只系20几蚊。之后你再嗌左另外一个减价嘅小食，一份话梅猪手，呢个酸酸地好开胃，同埋手抓饼都好食！三个人去食埋单都只系250蚊真系超抵食，下次都会再嚟呢度食！
佢个餐牌虽然唔算话好多选择，但系有好多经典嘅台湾菜都有得食。
我哋叫咗个大肠蚵仔面线，呢个𩠌都好耐冇食过，食𠮶阵其实都令我谂翻起台湾食阿宗面线嘅感觉，系好食嘅！
之后我哋就嗌咗碗红烧牛肉面，啲牛肉一啲都唔会硬而且好够味，个汤底都有喺台湾食嘅感觉。
之后再叫咗个牛肚牛筋面，都系相当唔错好入味！
跟住我哋就嗌左啲小食，叫咗个盐酥鸡粒，佢炸得好香口，但又唔会好油腻，而且价钱都仲系好平，减咗㗎只系20几蚊。
之后你再嗌左另外一个减价嘅小食，一份话梅猪手，呢个酸酸地好开胃，同埋手抓饼都好食！
三个人去食埋单都只系250蚊真系超抵食，下次都会再嚟呢度食！
张贴
