田記魚蛋牛腩專門店 (塘尾道)

营业中

休息中

第二次食呢间田记，第一次食系经同事介绍🤣如果食港式粉味嚟讲，呢间质素真系不错，钟意食牛腩嘅朋友仔就一定要试吓！呢度崩沙腩系必食！仲要价钱好合理。崩沙牛腩面🥩崩沙腩有少少脂肪，肥瘦适中！肉质软腍，口感不错！崩沙牛腩面配有萝卜，萝卜煮得好腍。牛三宝河粉(牛腩、牛肚、牛筋)如果想试多啲𩠌嘅，可以选择牛三宝。牛三宝嘅牛腩肉质比崩沙腩实身少少，但系都唔会话好韧！牛味浓郁。而牛肚爽口牛筋煮得好入味！炸鱼皮🐟份量几多，炸到金黄色，脆卜卜好香口。腐乳酱通菜🥬通菜好嫩，我自己钟意捞少少菜喺河粉度食🤣枱面都有唔同嘅调味料俾客人享用。重点推介呢度既辣椒油好香😋🌶️