東京チカラめし

营业中

休息中

依间系香港暂时有三间分店，主打食牛肉丼同埋豚肉丼。果日去到门口已经有条小小嘅人龙，但呢间野都系速食类型，所以唔系等左好耐就入到去。佢个价钱好亲民，大约四五十蚊就一个丼饭，如果加大就加多10蚊。我今日冇特别加大，但都觉得食完好饱，所以一般女仔我觉得都唔驶加大。我今日叫左一个盐烧豚肉丼配温泉玉子，豚肉咬落好多汁好有肉味，酱汁捞饭再加埋温泉蛋蛋汁，一碗白饭好快食晒。而且佢嘅豚肉份量都几多，有差唔多八至九块，十分之抵食又好食。另外，我仲加左18蚊叫左唐扬炸鸡，有三旧，都几大旧，啱啱炸起，好香口好扺食。总括嚟讲，价钱亲民而且味道又好嘅牛／豚肉丼饭，仲好啱一个人嚟速食。