金鶴拉麵 (荷李活道) (已結業)

一向好钟意食日本拉面，但系食开中环嘅拉面都要至少150蚊一碗。今日经过兰贵芳附近，见到呢间日本拉面80蚊唔洗一碗，所以就入去试下。餐厅可以见到厨房入面嘅煮食情况，都几干净。我6点几去到，客人唔算多，可以静静地享受到个拉面。酱油拉面食过咁多间嘅拉面，呢个酱油拉面算系中上水平，面质弹牙，汤底都几香，直接饮汤都唔会觉得好咸。最欣赏只流心蛋，半熟加流汁，浸落啲汤到最后先食就好入味。食完都系78蚊埋单，系正常拉面价，喺中环就几抵食。唔洗排队就食到高质拉面，有潜质做我嘅中环饭堂。