水門雞飯 (汀角路) (已結業)

自从上次叫「水门鸡饭」外卖🥡一直都好想再食，所以晚餐去咗屋企附近个间水门鸡饭🐔开餐佢地星期一至日5点后有个【二人自选套餐🥢🥢】$198套餐包咗两款主食，两款小食，两杯饮品，一份甜品，真系好抵呀！仲见到星期一至四全线分店3:00pm-5:00pm堂食招牌水门鸡饭$30咋！之后下午茶有著落🙊🔸水门鸡饭大大碟嘅水门鸡饭，鸡肉超嫩滑～加埋水门鸡饭酱好惹味🤤🔸香辣炒肉碎饭加咗洋葱同辣爆香，所以肉碎味道非常惹味，如果可以再辣啲就正🤩🔸泰式炒通菜惹味得来清甜，通菜爽嫩挂汁，好香。🔸沙嗲鸡串烧烧得表面焦香，鸡肉嫩滑，配上沙爹，味道更香浓。 🔸班兰糕上面嘅椰浆好浓郁，大菜糕食落爽口之余有阵淡淡嘅班兰味。🔸泰式奶茶入口香甜滑溜，好有泰式味道。🔸话梅茶酸溜溜嘅味道好特别，亦格外开胃。