宮崎日式燒肉店 (已結業)

有日系某杂志出版的得奖专辑入面见到旺角有网烧烧肉食, 而且二百蚊左右就可以任饮任食, 当然要约男朋友试下~听闻宫崎烧肉经常满座, 所以一星期前book定比较穏阵。17:30-19:30 时段进场最抵食, 每位$188再加一。店舖位置系雅兰中心地库, 但入口系要出返路面转个弯先见到, KFC的斜对面。入到去侍应好快就送上8色烧肉, 4块猪腩4件鸡肶肉, 鸡肶肉非常juicy! 二人同行送一份menu无既肉类, 冰镇大头虾 / 愤怒牛仔 / 仙境纯情豚。大头虾差不多有一只女仔手咁大, 虾膏仲好丰富呢~ 如果约当月星座生日既寿星仔女去再会送豪华海鲜或肉类。猪牛羊海鲜蔬菜任点, 亦有刺身寿司食, 饮品就自取。刺身都够冻, 细片但厚切过下口瘾几好。烧肉以原味为主, 有调味既种类都唔会重手, 汁少减少烧网烧焦既机会。最钟意羊架无筋膻味轻, 海虾鲜味十足又弹牙, 牛油扇贝大推介!!食到腻可以烧新鲜菠萝, 再饮埋乌龙茶中和一下。网烧比起传统韩烧火力平均, 火力大又唔会烧焦薄切既肉类~ 上菜快无漏单, 所以好快烧到饱。